Axuda
¿Que é un rastrexo?
Un rastrexo é unha carreira nocturna por equipos con probas variadas que se celebra durante a noite nos montes galegos.
Os participantes organízanse en equipos de 6 a 12 persoas e xuntos buscan o camiño a percorrer e van facendo as diferentes probas que se van atopando tentando facer a mellor puntuación, o tempo empregado tamén pódese ter en conta.
Preguntas frecuentes (FAQ)
¿Como podo participar?
Na nosa páxina poderás ver tódolos rastrexos, en cada un deles explícase cal é o proceso de inscrición.
Depende do que decida a organización pero o habitual é enviar un correo electrónico a partires da data de apertura de inscrición.
Unha vez inscrito recibirás tódala a información que sexa necesaria do propio organizador: datas de saída, ubicación, material necesario, etc...
As prazas son limitadas se queres ir o mellor que inscribirse o antes posible.
¿Poden participar menores de idade?
Normalmente sí pero deben levar unha autorización firmada por un maior de idade pero depende do organizador.
¿Necesito experiencia previa?
Non, todo o mundo pode participar. Se non queredes correr podedes facelo camiño caminando.
Se non queredes facer algunha das probas tamén podedes decidir non facela.
Se aínda así tendes dúbidas preguntádelle a organización polo número de km e se o camiño vai ser muy complicado ou non.
¿Que tipo de probas podemos esperar?
As probas varían en tipo e dificultade, incluíndo retos físicos, enigmas mentais e actividades de traballo en equipo.
¿Como sei o camiño correcto a seguir?
Depende do rastrexo, a maioría son de frechas. É dicir, nas cruces de camiños deberedes buscar unha frecha indicando o camiño a seguir, os camiños polos que non debes ir márcanse con unha "X".
Os rastrexos de brúxula son pouco comúns en caso de necesitala a organización explicaravos como funciona antes da saída.
¿Que debemos levar?
O mínimo sería lanternas, teléfono, roupa cómoda e calzado adecuado para camiñar ou correr.
Dependendo do Rastrexo pode que necesitedes tamén unha brúxula, papel e boli, etc. Iso xa depende da organización.
Teño máis dubidas.
Contacta coa organización do rastrexo ou con nos por e-mail.
Sobre Rastrexando
Rastrexando é a túa plataforma de referencia para non perderte ningún rastrexo nin andaina en Galicia.
A idea nace en 2017 porque costaba moito atopar os rastrexos en Facebook sen coñecelos previamente. Decidimos facer algo para facilitar a búsqueda e darlle visibilidade a todas as organizacións.
Rastrexando non organiza rastrexos. Só os recompila e publicita.
© 2017–2026 Rastrexando